2024 жылдың қыркүйегінде Нидерландыдан Іле-Балқаш резерватына әкелінген Амур жолбарыстары Богдан мен Кума жұптаса бастады, деп хабарлайды inbusiness.kz сайты.
Ведомство атап өткендей, бұл жыртқыштардың жаңа ортаға сәтті бейімделгенін және оларды ұстау жағдайлары өмір сүруге және көбеюге ыңғайлы деп танылғанын білдіреді.
– Жыртқыштардың бейімделуі – аумақты игеруді және күйзеліс тудыратын факторларды азайтуды қамтыды. Жұптасу – жолбарыстардың өздерін қауіпсіз сезінетінін меңзейтін маңызды белгі. Енді болашақта Қазақстанда жолбарыстардың жаңа популяциясын қалыптастыру үшін негіз болатын ұрпақ пайда болады деген үміт бар, – делінген министрлік хабарламасында.
Қазақстанда амур жолбарысын реинтродукциялау бағдарламасы 2018 жылы WWF және БҰҰДБ қолдауымен басталды. Енді жоба жаңа кезеңге өтті: олар қоршауларда дүниеге келген жолбарыстарды да, Ресейдің Қиыр Шығысынан әкелінген жолбарыстарды да жабайы табиғатқа шығаруды жоспарлап отыр.
Амур жолбарысының оралуы – бұл елдің экожүйесін қалпына келтірудегі маңызды қадам. Мамандар Богдан мен Куманы бақылауды жалғастыруда. Олар жақын арада жолбарыстар отбасында кішкентай шөнжіктер пайда болады деп үміттенеді.
