Жаңа ережеге сай енді жас жүргізушілерге сақтандыру құны қымбат болмақ, деп хабарлайды inbusiness.kz сайты.
Сондай-ақ көлік тізгіндеушінің жас ерекшелігі, өңірі, автомобильдің шыққан жылына байланысты да баға өзгереді. Сондықтан мамандар 7 сәуірге дейін ескі тарифпен көлікті сақтандырып үлгеруге кеңес береді.
Жаңа заң бойынша енді жол-көлік оқиғасы ғана емес, жүргізушінің бұған дейін ереже бұзған фактілері де есепке алынады.
Айта кетейік, егер жүргізуші жылдамдықты асырып, қарсы жолаққа шықса немесе апаттық жағдай тудырса, сақтандыру құны айтарлықтай қымбаттайды.
Сонымен қатар, жаңа ереже бойынша үш төменгі класс (A, M1, M2) енгізіледі, олардың коэффициенттері 3,5 есеге дейін артуы мүмкін. Жол апатына ұшырамаған және жол ережелерін сақтайтын жүргізушілердің сақтандыру полисі арзандайды.
