Биылғы қаңтар-ақпан айларында Қазақстанда 286,7 мың жұп аяқ киім шығарылды. Жылдық өсім – 42,9%, деп жазады inbusiness.kz energyprom.kz порталына сілтеме жасап.
Республика бойынша аяқ киімнің айтарлықтай бөлігі Алматыда шығарылды: 153 мың жұп. Көшбасшылар үштігінде Алматы (48,5 мың жұп) және Жамбыл (27,9 мың жұп) облыстары бар.
Өндірістің артқанына қарамастан, былтырғы 12 айдың қорытындысы бойынша жергілікті компаниялар аяқ киімге деген сұранысты (экспорт пен ішкі нарықта сатуды) 4,2%-ға ғана қамтамасыз еткен. Нарықтағы отандық өнім үлесі 1,5 есеге жуық өскенімен, бұл көрсеткіш өте төмен.
Аяқ киім импорты бір жылда 22,9%-ға дейін азайды. Экспорт көлемі де төмендеген: 50,2%-ға дейін.
Ішкі нарықта аяқ киім сату былтырғымен салыстырғанда 21,6%-ға аз.
Ақпан айының қорытындысына сәйкес, аяқ киім бағасы бір жылда 20,5%-ға артты.
Бағаның ең жоғары өсуін Маңғыстау облысының тұрғындары сезінді:+31,5%. Антилидерлер үштігінде Шымкент (30,2%) пен Астана (28%) кірді. Бағаның ең аз өсуі Ұлытау облысында тіркелді:+13,7%.
