Қазақстанда COVID-19 жұқтырудың 5 222 дерегі тіркелді, деп хабарлайды inbusiness.kz.
Денсаулық сақтау министрлігінің мәліметінше, өткен тәулікте 5 222 адамнан коронавирус анықталған. Пандемия басталғалы бері елімізде коронавирус жұқтырғандар саны 785 149-ға жетті.
4 938 адам коронавирустан айықты. Осылайша, елімізде барлығы 667 096 адам COVID-19-дан емделіп, сауығып шықты.
Қазақстан өңірлеріндегі эпидемиологиялық ахуалды бағалау матрицасы төмендегідей:
"Қызыл аймақта": Нұр-Сұлтан, Алматы, Шымкент қалалары, Ақмола, Ақтөбе, Алматы, Атырау, Батыс Қазақстан, Жамбыл, Қарағанды, Қостанай, Қызылорда, Маңғыстау, Павлодар, Солтүстік Қазақстан және Шығыс Қазақстан облыстары.
"Жасыл аймақта": Түркістан облысы.
Елімізде коронавирусқа қарсы вакцинаның бірінші компонентін 6 611 018 адам, екінші компонентін 5 339 029 адам салдырды.
