Елімізде өткен тәулікте COVID-19 вирусын жұқтырудың 6 мыңнан аса дерегі тіркелді, деп хабарлайды inbusiness.kz.
Денсаулық сақтау министрлігінің мәліметінше, өткен тәулікте 6 119 адамнан коронавирус анықталған. Осылайша, елімізде COVID-19 вирусын жұқтырғандар саны 516 117-ге жетті.
Сондай-ақ Қазақстанда 2 427 адам коронавирустан айықты. Пандемия басталғалы бері 441 437 адам COVID-19-дан емделіп, сауығып шықты.
23 шілдедегі мәлімет бойынша 71 221 адам коронавирус инфекциясынан (69 436 КВИ+ және 1 785 КВИ-) емделіп жатыр.
«Олардың ішінде 21 096 пациент стационарда, 50 125 науқас амбулаториялық деңгейде ем қабылдауда. 1 258 адамның жағдайы ауыр, 274 пациенттің жағдайы өте ауыр,
166 науқас өкпені жасанды желдету аппаратына қосылған», - деп жазылған хабарламада.
Сонымен қатар коронавирус пен пневмониядан 74 адам көз жұмды.
Қазақстан өңірлеріндегі эпидемиологиялық ахуалды бағалау матрицасы төмендегідей:
«Қызыл аймақта»: Нұр-Сұлтан, Алматы, Шымкент қалалары, Алматы, Ақмола, Ақтөбе, Атырау, Батыс Қазақстан, Жамбыл, Қарағанды, Қостанай, Қызылорда, Маңғыстау, Павлодар және Солтүстік Қазақстан облыстары.
⠀
«Сары аймақта»: Түркістан және Шығыс Қазақстан облыстары.
Айта кетейік, Қазақстанда коронавирусқа қарсы вакцинаның бірінші компонентін 5 054 970 адам, екінші компонентін 3 075 907 адам салдырды.
