Ұлттық статистика бюро мәліметінше, биыл шілдеде тұрғын үйді сатып алу-сатудың тіркелген мәмілелер саны – 46 255 (Оның ішінде 13 403 жеке үй, 32 852 пәтер). Бұл өткен аймен салыстырғанда 14,4% аз.
Биыл қаңтар-шілдеде тұрғын үйді сатып алу-сату мәмілелерінің саны өткен жылғы осы кезеңімен салыстырғанда 2,2 есе артқан.
Нұр-Сұлтанда шілдедегі тұрғын үйді сатып алу-сату мәмілелер саны 5 708, Алматыда 6 833, Шымкентте 1 724 болды. Бұл маусым айымен салыстырғанда елордада 5,8%, Алматыда 10,1%, Шымкентте 15,7% аз.
2021 жылғы қаңтар-шілдеде тұрғын үйді сатып алу-сату мәмілелерінің саны өткен жылдың осы кезеңімен салыстырғанда Нұр-Сұлтанда 2,3 есе, Алматыда 86,9, Шымкентте 69,1 өскен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
