Қазақстанда бірыңғай QR арқылы жасалған төлемдердің үлесі 25 пайызға жетті, деп хабарлайды inbusiness.kz сайты.
Тимур Сүлейменовтің айтуынша, 19 шілдеде іске қосылған төлем жүйесі арқылы 20 миллионнан астам транзакция жасалған.
– Биыл банктер арасындағы мобильді төлем жүйесін – бірыңғай QR-ды іске қостық. Жүйе 19 шілдеде жұмысын бастады. Қазірдің өзінде 20 миллион транзакция жасалып, олардың сомасы 400 миллиард теңгеден асты. Бірыңғай QR нарықтың 25 пайызын иеленді", – деді Тимур Сүлейменов.
Ұлттық банк төрағасы Қазақстанда цифрлық қаржы инфрақұрылымының бірқатар элементі кезең-кезеңімен енгізіліп жатқанын атап өтті.
2023 жылы цифрлық теңге, 2024 жылы Ұлттық антифрод-орталық іске қосылды. Сондай-ақ банкаралық төлем құралдары мен басқа да цифрлық сервистер енгізілді.
