2018 жылғы қаңтар-шілдеде Қазақстан Республикасында 476751 жеңіл автомобиль тіркелген, деп хабарлайды ҰЭМ статистика комитеті.
2018 жылғы қаңтар-шілдеде Қазақстан Республикасында 476751 жеңіл автомобиль тіркелген, бұл өткен жылдағы тиісті кезеңмен салыстырғанда 70%-ға артық. Қазақстан Республикасында 2018 жылғы 1 тамыздағы жағдай бойынша тіркелген жеңіл автомобильдердің саны 3914,4 мың бірлікті құрады.
Елімізде биыл 7 айда 11621 жол-көлік оқиғасы тіркеліп, 8201 адам зардап шеккен. Дегенмен, өткен жылғы тиісті кезеңмен салыстырғанда апаттылық 6,6%-ға азайған дейді статистикалық мәлімет.
2018 жылғы 1 тамыздағы жағдай бойынша сақтандыру ұйымдарымен көлік құралдары иелерінің азаматтық-құқықтық жауапкершілікті міндетті сақтандыру бойынша 14,2 млрд теңге сомасына 38175 сақтандыру төлем жүзеге асырылған.
