Ядролық бомбалаудың салдарлары туралы жазылған роман жылдың үздік кітабы деп танылды. Автор Бекен Ыбырайым 1 миллион теңге сыйақы алды, деп хабарлайды inbusiness.kz сайты КТК телеарнасына сілтеме жасап.
Байқау үшін Бекен Ыбырайым өз романын бес жыл жазған. Жақында осы үздік деп танылған кітабын сатылымға шығаруға уәде етті.
Бұдан бөлек тағы бес адамның шығармашылығы жоғары бағаланды. Олардың туындылары өз жанрында үздік деп танылды.
Әдебиет байқауының негізін қалаушы Қуат Домбай кітаптар шығарылғанда, редакторлар оларды тамсанып оқығанын айтады.
"Біз алғаш рет осы шығармаларды оқып отырып демалдық. Кітап сөрелерінде олар жаңа ғана пайда болды. Заманауи кітаптар тізімі көбейіп жатыр. Бірақ көбінесе бұл жазушылар қаржыландыру мәселесін көтереді. Бұрын кітаптарды мемлекет қаржыландырып, жазушылар өз кітаптарын шығаратын. Қазір кітаптарды кімнің ақшасы бар солар шығарады", – деді Қуат Домбай.
