/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Елімізде COVID-19-дың ауыр формасымен ауырып жатқандар саны артып келеді

Елімізде COVID-19-дың ауыр формасымен ауырып жатқандар саны артып келеді

Өкпені жасанды желдету аппаратына 90 адам қосылған.  

04 Маусым 2020 18:57 134

Елімізде COVID-19-дың ауыр формасымен ауырып жатқандар саны артып келеді

Бұл туралы Денсаулық сақтау министрі Елжан Біртанов Орталық коммуникациялар қызметінде өткен брифингте мәлімдеді.

«Індет жұқтырғандар санының артуымен қатар жағдайы ауыр науқастар саны да көбеюде. Әзірге ауруханаларда орын жеткілікті, жансақтау бөлімдерінің 80%-ы бос. Бірақ сырқаттанғандар мен дерті асқынғанда да көп. Қазіргі кезде өкпені жасанды желдету аппаратына 24 адам қосылған», – деді Елжан Біртанов.

Сонымен қатар министр індет елімізде тараған уақыттан бастап жансақтау бөлімдеріне жалпы саны 306 науқас түскенін айтады. Оның 201-і сауығып, үйлеріне шығарылса, 48-і қайтыс болды.  

«Өкпені жасанды желдету аппаратына 90 адамды қостық. Оның 20-сының аппаратпен тыныс алуы тоқтатылды. Бұл жағдайы ең ауыр науқастар. Әйтседе жағдайлары жақсарғандар да бар», – деді министр.

Қазіргі кезде Қазақстанда коронавирустық инфекцияға шалдыққандар саны 12 мың 124 адамға жетті. 6 мың 288 адам қатерлі дерттен емделсе, 48-і көз жұмды.

Құралай Құдайберген

 

Қолдан жасалған өкпені жасанды желдету аппаратын пайдалануға болмайды

Сау адамдар науқас адамдардың денсаулығына қауіп төндіріп жатыр. 

09 Шілде 2020 14:47 72

Қолдан жасалған өкпені жасанды желдету аппаратын пайдалануға болмайды

Денсаулық сақтау министрі Алексей Цой маңызды мәлімдеме жасады. Ол сау адамдар жанашырлық танытамыз деп науқас адамдардың денсаулығына қауіп төндіріп жатқанына назар аударды.  

«Әлеуметтік желілердегі азаматтардың өз қолдарымен жасап алуға тырысып жатқан әрқилы тәсілдерін көріп отырмыз. Олар түрлі құралдар арқылы тыныс алу қызметін жақсартуға тырысады. Қолдан жасалған құрылғыны интернеттен көріп алып, үйлерінде өзінше ем алу үшін жасап алады. Бұл ретте, барынша сақтық таныту қажет», – деді Алексей Цой.

Министрдің сөзінше, қолдан жасалған аппаратқа құйылатын сұйықтық таза болмаса, онда өкпе түрлі бактериялармен зақымданады. 

«Қолдан жасалған құрылғыларға барынша сақтықпен қараған жөн. Аурудың асқынуына алып келуі мүмкін тәуекел барлық уақытта болады. Өкінішке қарай, мұндай фактілер тек бізде ғана орын алып отырған жоқ. Сондықтан азаматтарымызды сақтандыруымыз керек», – деді Алексей Цой.

Қанат Махамбет 
 

Павлодар облысында экспресс-тест пен өкпені жасанды желдету аппараты жеткілікті

 Шілде айында тағы 8 аппарат жеткізіледі. 

02 Шілде 2020 11:46 93

Павлодар облысында экспресс-тест пен өкпені жасанды желдету аппараты жеткілікті

 

Қазіргі уақытта өңірде 49 өкпені жасанды желдету аппараты қолданылуда. Бұл туралы онлайн баспасөз жиынында Павлодар облысы әкімінің бірінші орынбасары Сұңғат Есімханов мәлім етті, деп хабарлайды pavlodarnews.kz.

«Бүгінде облысымызда 108 өкпені жасанды желдету аппараты бар. Оның 49-ы қолданылуда. 44 аппарат пневмонияға шалдыққан науқастарға қосылған. Шілде айында тағы 8 аппарат жеткізіледі. Жеткілікті деп отырмай тағы да бұл аппараттарды сатып алу жоспарлануда», – деді Сұңғат Есімханов.

Сұңғат Есімхановтың айтуынша, коронавирусты анықтауға арналған экспресс-тест жеткілікті. Бүгінде барлық ауруханаларда қолданылуда. Енді жедел жәрдем қызметі де науқастарға келген кезде бірден анықтап алуы үшін экспресс-тест қолданатын болады.

Еске салайық, қазіргі уақытта провизорлық орындарда жатқан науқастардың көбі пневмония және ЖРВИ-ге шалдыққандар. Өткен аптада облыстағы провизорлық орындар саны 2,4 есеге артып, 1852-ге жетті. Бүгінгі күнде олардың 94,2 пайызы бос емес. Облыс әкімі Әбілқайыр Сқақов науқастарға арналған провизорлық төсек-орындар санын 2500-ге жеткізіп, қосымша 3000 орыннан тұратын резервті жасақтауды тапсырды.