Қазіргі кезде елімізде бензин мен дизель отынының бағасы салыстырмалы түрде тұрақты. Шілде айының соңында бөлшек саудада АИ-92 маркалы бензин 0,02%-ға арзандап, бір литрі 146,7 теңгеге бағаланса, АИ-95 пен жазғы дизель отыны 0,2%-ға қымбаттап, 168,7 және 192,5 теңге дейінде тұрақтады.
Ал бір жылдың ішінде жазғы дизель отынының бағасы 6%-ға көтерілсе, АИ-92 бензині – 6%-ға, АИ-95 – 4,1%-ға, АИ-98 – 3,3%-ға арзандаған.
Жалпы бензин мен дизель өндіру бойынша елімізде үш зауыт жұмыс істейді. Олар: Шымкент қаласындағы – "ПетроКазахстан Ойл Продактс", Павлодардағы мұнай-химия зауыты және Атыраудағы мұнай өңдеу зауыты. Қазіргі кезде дизель отынын өндіру бойынша Павлодар облысы 1,1 млн тонна көрсеткішпен көш бастап тұр. Бұл өткен жылмен салыстырғанда 5,5%-ға төмен.
Екінші орынға 874,1 мың тонна дизель отынын өндірген Атырау облысы жайғасты. Аталмыш өңір өткен жылмен салыстырғанда 7,3% өсім көрсеткен. Ал Шымкенттік зауыт 845,4 мың тонна дизель өндіріп, өткен жылға қарағанда 37,6%-ға жоғары нәтижеге қол жеткізді.
