Ұлттық ғылыми онкология орталығы Қазақстанда ең көп таралған онкологиялық ауру түрлері атады.
Мамандардың хабарлауынша, онкологиялық аурулар құрылымында сүт безінің қатерлі ісігі республикада ең жиі кездеседі.
“Жыл сайын аурудың 5 мыңға жуық жаңа дерегі анықталады және ісіктің осы түрінен мыңнан астам өлім-жітім тіркеледі. Өлім-жітім құрылымында сүт безінің қатерлі ісігі төртінші орында тұр. Ең көп таралған онкологиялық ауру түрлерінің ішінде екінші орында өкпенің қатерлі ісігі орналасты. Онкологиядан болатын өлім-жітім бойынша бұл ауру түрі бірінші орында тұр”, - делінген орталық таратқан ақпаратта.
Үшінші орында тоқ ішек ісігі орналасты. Өлім-жітім бойынша бұл дерт үштікке кіреді.
“Төртінші орында – асқазан қатерлі ісігі. Бұл дерт онкологиялық өлім-жітім құрылымында екінші орында тұр”, - деп хабарлады Ұлттық ғылыми онкология орталығы.
