Энергетика вице-министрі Әсет Мағауов Қазақстанда газбен жүретін көліктер саны айтарлықтай артқанын айтады, деп хабарлайды inbusiness.kz.
"Сұйытылған газ өндіру жылына 3,2 млн тоннаны құрады. Оның 1,5 млн тоннасы экспортқа шығарылады. Бұл ретте министрлік сұйытылған газды тұтынуға талдау жасады. Біз автокөліктер санының айтарлықтай өсуін көріп отырмыз. Егер 2019 жылы автокөліктер саны 139 мың бірлікті құрады, содан кейін 2019 жылы 2021 жылы ол шамамен 2,5 есе өсті – 313 мыңға дейін. Сонымен бірге сұйытылған газ бағасы бензинге қарағанда 2-3 есе арзан. Біз сұйытылған газ тұтыну көрсеткішінің жылдан-жылға өсіп келе жатқанын көріп отырмыз", – деді Әсет Мағауов.
Сондықтан оның айтуынша, нарықта белгілі бір тапшылық бар. Сонымен қатар сұраныс өсуде. Маңғыстау облысындағы қуаттылығы жылына 232 мың тонна болатын зауыт жобалау сатысында, 2024 жылдың 1 қаңтарына дейін пайдалануға беріледі.
Құралай Құдайберген
