Оның айтуынша, 1 тамыздан бастап инфекциялық төсек орынның қамтылуы 56%-дан 33%-ға дейін, реанимациялық төсек орынның қамтылуы 45%-дан 27%-ға дейін төмендеді.
"Резервте 30 мыңнан астам төсек орын бар. Ем қабылдаушылар саны қысқарды. Соңғы 3 айда науқастардың саны 2 есе немесе 90 767 адамнан 43 397 адамға дейін азайды", – деді Марат Шоранов.
Министрдің бірінші орынбасары COVID-19 инфекциясына қарсы вакцинамен жалпы халықтың 40,2%-ы қамтылғанын жариялады.
"8 млн 300 мыңнан астам адам екпенің 1-компонентін алды. Бұл – егілуге тиісті халықтың 73,4%-ы немесе жалпы халықтың 44,3%-ы. 7 млн 600 мыңға жуық адамға вакцинаның 2-компоненті салынды. Бұл – егілуге тиісті халықтың 66,6%-ы немесе жалпы халықтың 40,2%-ы", – деді Марат Шоранов.
Қанат Махамбет
