"Бүгінде COVID-19 вирусына қарсы вакцинаның бірінші компоненті 131 170 мың адамға салынды. Оның ішінде 77 мыңға жуығы медицина қызметкерлері, 24 мың мұғалім, 12 мыңнан аса күштік құрылымдардың қызметкерлері және 1 мыңнан аса жабық медицина мекемелерінде жұмыс істейтін мамандар бар.
Сондай-ақ COVID-19-ға қарсы екпе студенттерге, созылмалы ауруы бар науқастарға да салынды", - деді комитет төрайымы ОКҚ-де өткен баспасөз мәслихатында.
Еске салайық, елімізде коронавирусқа қарсы вакцина 21 күн аралықпен 2 рет салынады. Бірінші доза антиденелердің шағын көлемде шығарылуына байланысты ұзақ сақталмайтын қорғаныс әсер береді. Екінші доза бірінші кезеңдегі вакцина әсерін күшейтеді және адам ағзасындағы антиденелер саны ұлғаяды.
Дәурен Ерболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
