Ұлттық экономика вице-министрі Бауыржан Омарбеков әкімшілік мәртебесіне сай келмейтін қалалар туралы айтты, деп хабарлайды inbusiness.kz сайты.
Тілшілер ведомство өкілінен қанша қала ауылға айналуы мүмкін екенін сұрады.
"Мұнда да халықтың пікірі ескерілетін болады. Қала мәртебесі бар 13 елдімекен бар. Бірақ халықтың саны 10 мыңнан төмен. Мысалға, Шар, Қазалы қалалары. Сол қалаларды жергілікті мәслихаты халықпен біріге отырып, шешімдерді қабылдауы керек. 10 мыңға жетпейтін халқы бар қалаларды ауылға айналдыру мәселесін өздерінің күн тәртібіне қойып, қарайтын болады", - деп жауап берді вице-министр.
Айта кету керек, осыған дейін 112 ауылдағы халық саны он мыңнан асатынын жазған болатынбыз.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
