Елімізде контейнерлік тасымал көлемі 13%-ға өсті, деп хабарлайды 24.kz.
Былтырғымен салыстырғанда, жарты миллион тонна жүк артығымен тасымалданған. Бұл туралы ТМД елдерінің теміржол көлігі бойынша өткен мәжілісінде айтылды. Қатысушылар пойыздар қозғалысы кестесін жасау мен келесі жылға контейнерлік тасымалды жоспарлау мәселелерін талқыға салды.
Биыл Қазақстан мен Ресей арасында жүк тасымалы шамамен 63 млн тоннаны құраған. Ресей арқылы жасалған экспорт көлемі – 12%, транзит тасымалы 8% өсті. Қазақстан әсіресе астық тасымалы мөлшерін едәуір арттырған.
"Астық мәселесін айтатын болсақ, жалпы жыл басынан 8-9 млн тоннаға жуық астық тасымалданған болатын. Жылдың аяғына дейін 11 млн тонна астық тасымалдаймыз деген болжам бар. Елбасының Жолдауын іске асыру және де осы жақында Хельсинки қаласында берілген тапсырмасы бойынша ауқымды жұмыстар атқарылуда. Жолдауға сәйкес, көлік-логистика бойынша жоспарларды іске асырып жатырмыз", - дейді "ҚТЖ" ҰК басқарма төрағасының кеңесшісі Руслан Иманқұлов.
