Бұл туралы Орталық коммуникациялар қызметінде өткен брифингте Денсаулық сақтау вице-министрі, бас мемлекеттік санитар дәрігер Ерлан Қиясов мәлім етті, деп хабарлады inbusiness.kz тілшісі.
"17 наурыздағы жағдай бойынша Қазақстанда коронавирустық инфекцияның оң нәтижемен 226 767 науқас тіркелді. Коронавирусқа шалдыққан 208 074 науқас сауығып шықты. Ақпанда қаңтармен салыстырғанда науқастар саны 30%-ға төмендеді. Сонымен қатар соңғы 5 күннің ішінде тәулігіне 1 мыңнан астам жағдай анықталды. Соңғы аптада алдыңғы аптамен салыстырғанда науқастар саны 12-пайызға өсті", - деді Денсаулық сақтау вице-министрі.
Осылайша елімізде эпидемиологиялық жағдай бойынша Нұр-Сұлтан мен Алматы және Батыс Қазақстан облысы "қызыл аймақта". Алматы, Ақмола, Атырау, Қарағанды облыстары "сары аймақта". Ал қалған өңірлер "жасыл аймақта".
