Денсаулық сақтау министрлігі "Зираттар мен жерлеу объектілеріне қойылатын санитариялық-эпидемиологиялық талаптар" санитариялық қағидаларына толықтыруларды көздейтін түзетулер дайындады, деп хабарлайды inbusiness.kz сайты.
"Колумбарийлер мен қайтыс болған адамдардың күлі бар урналарды жерлеуге арналған қайғы қабырғаларын арнайы бөлінген жер учаскелеріне орналастырылуы керек. Колумбарийлер мен қайғы қабырғаларын зираттар аумағынан тыс жерлерде тұрғын үйлерден, емдеу, балалар, білім беру, спорттық-сауықтыру, мәдени-ағарту мекемелерінің, бау-бақша серіктестіктерінің, коттедждік құрылыстардың, халықты әлеуметтік қамсыздандыру мекемелерінің аумақтарынан кемінде 50 м қашықтықта оқшауланған жер учаскелерінде орналастыруға жол беріледі. Кремациядан кейінгі қалдықтарды (күлді) урналарға көмуге колумбарийлерде және қабірлерде жол беріледі", – делінген құжатта.
Крематорийлер және колумбарийлер құрамында үй-жайлардың мынадай топтары көзделеді:
1) қайтыс болған адамдарды тамбурмен, вестибюльмен, тоңазытқыш камерамен қабылдау үй-жайлары және қайтыс болған адамдарды кремациялауға дейін сақтауға арналған үй-жайлар;
2) қайтыс болған адамдарды кремациялауға, кремация залы, кремацияланған қалдықтарды өңдеу үй-жайы, күлі бар урналар қоймасы және т.б. арналған үй-жайлар.
Крематорийлердегі кремациялық пештердің саны аза тұту рәсімдерінің санына, халықтың өлім-жітіміне байланысты анықталады. Крематорийдің өткізу қабілеті орташа есеппен бір кремациялауға бір сағат есебінен анықталады.
Жерлеу бюросы – бұл жерлеу мақсатындағы объектілерді құруға және пайдалануға, сондай-ақ жерлеу мен кремациялауды ұйымдастыруға және өткізуге байланысты салттық, заңдық, өндірістік, салттық және басқа да ілеспе қызметтерді көрсету жөніндегі қызметті қамтитын шаруашылықтың немесе оның субъектісінің саласы.
Крематорий – қайтыс болған адамдарды кремациялауға (өртеуге) арналған пештермен жабдықталған технологиялық кешен.
Колумбарий – қайтыс болған адамдарды кремациялаудан кейінгі күлі бар урналарды сақтау орны.
Жабық зираттар мен жерленген мемориалдық кешендер үшін бірінші тұрғын және қоғамдық ғимараттарға, спорттық-сауықтыру және санаториялық-курорттық аймақтарға дейінгі қашықтық кемінде 100 метрді құрайды, делінген құжатта.
Құжат "Ашық НҚА" порталында https://legalacts.egov.kz/npa/view?id=15297219 2 желтоқсанға дейін жария талқылауда болады.
