Оның айтуынша, E-Qurylys ақпарат жүйесі құрылыстың ашықтығын қамтамасыз етіп, бюджет қаржысын бақылауға мүмкіндік береді.
"Бұл – бірінші қадам. Екінші қадам сақтандыру жүйесін енгізу болып саналады. Үлескерлердің, сенімсіз құрылыс компанияларға қатысты мәселені білесіздер ғой. Мұнда ескеретін жағдай бар. Осы салада (құрылыс – автор) сақтандыру нарығы енген жоқ. Сақтандыру қоғамы бізге құрылыс саласының ашықтығын толық қамтамасыз етіңдерші деп отыр", - деді бірінші вице-министр.
Қайырбек Өскенбаев сақтандыру компаниялары құрылыс нарығына аудит жүргізіп (салынып жатқан нысан мен құрылыс компаниясына қатысты), нысанды сақтандыру-сақтандырмау туралы шешім қабылдауды жоспарлап отырғанын жеткізді.
"Сондықтан бұл – (E-Qurylys жүйесін енгізу – автор) саладағы ашықтықты қамтасыз етудің бірінші кезеңі. Екіншіден, сақтандыру жүйесін енгіземіз. Үшіншіден, барлық жүйе іске қосылғасын, өзін-өзі реттеу тетігін іске қосамыз. Бұл мәселені назарға алдық. Себебі, мемлекет өкілеттілігінің бір бөлігін өзін-өзі реттеуге беруі керек. Алайда құрылыстың сапасын бақылау, сапалы құрылыс материалдарын пайдалану және тағы басқа жағдайлар мемлекеттің қатаң бақылауында болуы керек", - деді министрдің бірінші орынбасары.
Сондай-ақ ол мұндай жағдайда бизнес қосымша жауапкершілік алатынын түсіну керегін атап өтті.
Айта кетейік, бүгін Индустрия және инфрақұрылымдық даму министрлігі жаңа 6 цифрлық жобаны таныстырған еді.
Дәурен Ерболат
