Әділет министрі Ерлан Сәрсембаев "виртуалды аутопсияны" енгізу жоспарда бар екенін айтты, деп хабарлайды inbusiness.kz сайты.
Ведомство басшысы саланы автоматтандыру арқылы сараптама жүргізудің ашықтығын арттыруға болады деген пікірде. Айтуынша, пилот ретінде күрделі емес екі-үш сараптаманы автоматтандыруды жоспарлап отырмыз.
Соның бірі – жасанды интеллектті пайдалану арқылы "Е-сараптама 2.0" ақпараттық жүйесінің жаңа нұсқасын әзірлеу. Себебі қолданыстағы жүйе заманауи талаптарға сай келмейді.
"Виртуалды аутопсияны" енгізу жоспарланып отыр. Бұл – қайтыс болғандарға сот-медициналық зерттеулер жүргізу үшін компьютерлік томографияны қолдану. Зерттеу мәйітті кеспей (соймай) жүргізіледі. Бұл ұлттық және діни дәстүрлермен қайшылықты болдырмауға көмектеседі", - деді Әділет министрі Үкімет отырысында.
