"Заң жобасы медиация институтын дамыту және дауды реттеу кезінде азаматтарға көмек көрсету мақсатында әзірленді. Заң жобасының негізгі ережесі татуластыру рәсімін қолдану саласын кеңейтуді көздейді", – деді депутат Снежанна Имашева.
Оның сөзінше, құжатқа алимент төлеу мәселесін у-шусыз реттеу нормасы енгізілген.
"Азаматтық процестік кодексте ажырасу ісін сырттай қарауға жол бермеу талабы қосылды", – деді депутат.
Снежанна Имашеваның айтуынша, елімізде медиация институтын дамытумен жүйелі айналысатын бірде-бір орган жоқ.
"Заң жобасында тиісті өкілетті органды айқындау және оған осы үшін құзырет беру ұсынылды. Болашақты бұл міндет Ақпарат және қоғамдық даму министрлігіне жүктеледі деп үміттенеміз", – деді депутат.
Қанат Махамбет
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
