Министр орынбасары Қазақстанда білім берудегі Германияның кәсіптік-техникалық моделін одан әрі енгізу және ҚР-да неміс техникалық жоғары оқу орындарының өкілдіктерін ашу жөнінде бірқатар ұсыныстар айтты, деп жазады Inbusiness.kz.
"Өзінің алғы сөзінде Р. Василенко Қазақстанның біртұтас әлеуметтік-мәдени кеңістігінде әртүрлі халықтардың бірлесіп өмір сүруі үшін қолайлы жағдайлар жасау мәселесінің ерекше маңыздылығын атап өтті, сондықтан Қазақстанда білім берудегі Германияның кәсіптік-техникалық моделін одан әрі енгізу және ҚР-да неміс техникалық жоғары оқу орындарының өкілдіктерін ашу жөнінде бірқатар ұсыныстар айтты", - делінген СІМ хабарламасында.
Отырыс аясында неміс тарапына "Возрождение" қорының, Орталық Азиядағы жалғыз Қазақстан-Неміс университетінің, неміс мәдени орталықтарының, мектептерінің, ТМД кеңістігіндегі жалғыз мемлекеттік республикалық академиялық неміс драма театрының, сондай-ақ апталық, неміс тілді "Deutsche Allgemeine Zeitung" газетінің қызметі туралы ақпарат ұсынылды.
Іс-шараның қорытындысы бойынша тараптар Қазақстанның неміс этносын кешенді қолдау бойынша екі ел үкіметтерінің болашақ шараларын көздейтін Коммюникеге қол қойды.
Жалпы Қазақстан-Германия ҮАК отырыстарының тұрақты өткізілуі Қазақстанда тұратын 226 мың этникалық немістерді, сондай-ақ неміс тілі мен мәдениетіне қызығушылық білдіретін басқа да азаматтарды қолдауға бағытталған.
