2021 жылы орталық кәріз жүйесіне қосылған дәретханасы бар баспаналар үлесі бір жылда 53,6%-дан 54,2%-ға өсті, деп хабарлайды inbusiness.kz тілшісі energyprom.kz-ке сілтеме жасап.
Септигі бар тұрғын үйлер бір жыл бұрынғы 18,3%-дан 20,3%-ға артты.
Сонымен қатар Қазақстан Республикасындағы үй шаруашылықтарының үштен біріне жуығы шұңқыр дәретхананы пайдаланады және олардың жалпы үлесі бір жыл ішінде небәрі 1 пайыздық тармаққа төмендеді.
Қазақстандағы дәретханалардың жағдайы халықтың табыс деңгейіне тәуелді.
Осылайша, табысы ең төменгі күнкөріс деңгейінен жоғары адамдар тұратын тұрғын үйлердің 54,6%-ы орталықтандырылған кәріз жүйесіне қосылған, ал табысы төмен тұрғындардың тек 30,6%-ы ғана аталған жүйені пайдаланады.
Табысы төмендерінің 58,4%-ы шұңқыр дәретханаларға барады.
Әрине, жағдай ауданға да байланысты. Мәселен, орталық кәріз жүйесіне қосылған дәретханасы бар қалалық тұрғын үйлердің үлесі 2021 жылы 80,6%-ды құраса, ауылдық жерде бұл көрсеткіш небәрі 6,2%. Жалпы алғанда ауылдық үйлерде шұңқыр дәретханалар басым – 76,2%.
