Ұлттық банк басқармасы 2025 жылғы 25 шілдеде "Қазақстан Республикасы Ұлттық банкі басқармасының кейбір қаулыларына ең төмен резервтік талаптар мәселесі бойынша өзгертулер мен толықтырулар енгізу туралы" қаулыны бекітті, деп жазады inbusiness.kz сайты.
Өзгертулер ЕТРТ құралын Ұлттық банктің ҚРҰБ ақша-кредит саясаты құралдарын жетілдіру және антиинфляциялық бағытты күшейту аясында енгізіледі.
– Енді теңгедегі міндеттемелер бойынша ЕТРТ – 3,5% және 5%, валюталық міндеттемелер бойынша – 10% және 15% деп белгіленді, – деп хабарлайды Ұлттық банктен.
Бас реттеушінің мәліметінше, ұсынылып отырған түзетулерді қабылдау үшін ЕАЭО, Орталық Азия және Кавказ елдері орталық банктерінің халықаралық ЕТРТ қолдану тәжірибесі зерттелді. Ол елдерде ЕТРТ нормативтерінің орташа деңгейі 4-4,5%-ды, ал шетел валютасындағы міндеттемелер бойынша шамамен 15%-ды құрайды.
Қазақстанда ЕТРТ нормативтерінің деңгейі аймақ бойынша ең төменгі деңгейде. Теңгедегі міндеттемелер бойынша тиімді мөлшерлеме – 1,3%, ал шетел валютасындағы міндеттемелер бойынша – 2,5% құрайды. Аталған көрсеткіштер 10% және 15%-ға дейін көтерілді. Жаңа өзгерістер кезең-кезеңімен бір жыл ішінде күшіне енуі қажет.
– Қабылданған шаралар ақша агрегаттарының шамадан тыс өсуін төмендетуге, ақша-кредит саясатының трансмиссиясын жақсартуға мүмкіндік береді, бұл инфляцияға қарсы күрестің тиімділігін арттырады. Ұлттық Банктің басты мақсаты – инфляцияны 5%-ға дейін төмендету. Осы мақсатқа қол жеткізу үшін қолда бар барлық құрал пайдаланылады", – деп жазылған Ұлттық банк хабарламасында.
