Өткен аптада елімізде 6 адам газдан уланып қайтыс болды. Бұл туралы ҚР ІІМ Төтенше жағдайлар комитетінің ресми өкілі Руслан Иманқұловтың мәліметіне сүйеніп, Baq.kz хабарлайды.
"Ескертулер мен хабарламаларға қарамастан көптеген адамдар қауіпсіздік ережелерін сақтамайды. Соның салдарынан қайғылы жағдайлар орын алып жатады. Бір апта ішінде оқыс оқиға салдарынан 6 адам көз жұмып, 14 адам ауруханаға жеткізілген", – дейді Руслан Иманқұлов.
Қыс мезгілі енді басталғанына қарамастан, елімізде иіс тиіп уланғандар саны аз емес. Төтенше жағдайлар комитеті тұрғындарға пеш мұржаларын жиі тазалап отыруды, бөлмені желдетіп, пешті жөндеу жұмыстарына баса назар аударуды ескертеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
