Бұл туралы оқу-ағарту министрлігінің баспасөз қызметі хабарлады, деп жазады inbusiness.kz.
Конкурсқа жеке немесе 3 адамнан аспайтын авторлық топпен қатысуға болады. "Өрлеу" біліктілікті арттыру ұлттық орталығының айтуынша, педагогтер бейне түріндегі авторлық жұмыстарын 12 бағыттың бірі бойынша ұсына алады. Олар:
· мектепке дейінгі оқыту және тәрбиелеу педагогтері үшін ерте сауаттылық;
· оқу сауаттылығы;
· математикалық сауаттылық;
· жаратылыстану-ғылыми сауаттылық;
· цифрлық сауаттылық;
· медиа-ақпараттық сауаттылық;
· қаржылық сауаттылық;
· экологиялық сауаттылық;
· денсаулық сақтау сауаттылығы;
· әлеуметтік-эмоционалды сауаттылық;
· мәдениетаралық сауаттылық;
· азаматтық-құқықтық сауаттылық.
"Мұғалімдер дәріс, сабақ, практикалық немесе зертханалық жұмыс, семинар, мастер-класс, сандық білім беру ресурсы және бейне подкаст жұмыстары қазақ, орыс және ағылшын тілдерінде ұсына алады. Конкурсқа қатысу өтінімдері https://ppi.orleu-edu.kz сайтында 10 қазанға дейін қабылданады. Қосымша ақпаратты "Өрлеу" біліктілікті арттыру ұлттық орталығының филиалдарынан алуға болады", делінген хабарламада.