2020 жылдың алғашқы төрт айында бұл қызмет түрінен түскен қаражат көлемі 161,9 млрд теңгеге жеткен. Былтырғы жылдан 13,6%-ға артық. Бұл туралы Ranking.kz басылымы хабарлады. Өткен жылы нақты көлем индексі көрсеткіші 110,6% болған еді.
Бұл сектордағы қызметтердің көбеюі осымен үш жыл қатарынан байқалып отыр. Ескере кететін жайт, жалға беру және алу, лизинг қызметтері көлемінің шамамен 80% үш өңірге тиесілі. Бұлар: Нұр-Сұлтан (60,9 млрд теңге), Атырау облысы (38.9 млрд теңге), Алматы қаласы (27,8 млрд теңге).
Дегенмен биыл жеңіл және жүк автокөліктерін жалға беру көлемі азайған. Жеңіл көліктер бойынша биылғы көрсеткіш 16 млрд теңге, былтырғыдан 10,8%-ға аз. Жүк көлігі бойынша 14 млрд теңге, 2019 жылы бұдан 26,9%-ға көп болған еді.
Табиғат Нұрболат
