2020 жылдың қаңтар және ақпан айларында елімізде 234 462 көлік тіркелді, деп хабаралады "ҚазАвтоӨндіріс" баспасөз қызметі.
Бұл өткен жылдың сәйкес кезеңінен 8,7%-ға жоғары. Оның 220 105 бұрын тізгінделген темір тұлпарлар. Ал 14 357 көлікті қазақстандықтар жаңадан сатып алған. Аталған көрсеткіш 2019 жылдың қаңтар-ақпанымен салыстырғанда 21,8%-ға жоғары.
2020 жылдың тек ақпан айында 123 617 темір тұлпар тіркеуге қойылған. Оның 116 308-і қайта сатылған көліктер. Сонымен қатар биыл электр қуатымен жүретін 6 авто тіркелсе, өткен жылдың сәйкес кезеңінде оның саны 2-еу болатын.
Өңірлер бойынша қайта тіркеуге қойылған көліктердің көбі Алматы облысында (35 407), Алматы қаласында (27 175) және Түркістан облысында (21 786).
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
