Сот полицияның ұсынысы бойынша жыл сайын бала тәрбиесі бойынша талаптарды орындамаған 1 мыңға жуық ата-ана құқықтарынан айырылады немесе шектеледі. Бұл туралы ІІМ Әкімшілік полиция комитеті төрағасының міндетін атқарушы Қайсар Сұлтанбаев Орталық коммуникациялар қызметінде өткен брифингте мәлімдеді, деп жазады inbusiness.kz.
"Жыл басынан бері кәмелетке толмағандарды бейімдеу орталықтарына 4 мыңнан аса жасөспірім жеткізілді. Оның 3,5 мыңнан астамы қараусыз және панасыз қалған балалар. Жыл сайын 6 мыңнан астам заңды өкілдер бала тәрбиесі жөніндегі міндеттерін орындамағаны үшін жауапқа тартылады. Сот полицияның ұсынысы бойынша жыл сайын бала тәрбиесі бойынша талаптарды орындамаған 1 мыңға жуық ата-ана құқықтарынан айырылады немесе шектеледі", - деді спикер.
