FlyArystan 2019 жылдың мамыр айында 50 мыңнан астам жолаушыны тасымалдап үлгергені туралы xабарлады.
Компания өткен айда орындалған рейстер саны 309 болып, оларды уақытылы орындау көрсеткіші 94% жеткендігін, ал әуекемелердің жүктеме коэфиценті 93% асқанын қуана жеткізді.
"Жақында біз 94 жасар қартты әуебортымызда апарсақ, сол мамыр айында 17 күндік нәрестені де ұшырған едік. Балалар – біздің ерекше саяхатшыларымыз екенін атап кеткен жөн, себебі олар ортақ жолаушылар санының 11% құрайды, ал кейбіреулері үшін FlyArystan-мен бірге орындаған сапарлары өмірлеріндегі бірінші саяхат", – деп атап кетті баспасөз қызметі.
Естеріңізге сала кетсек, алғашқы қазақстандық лоукостер 30 мамырдан бастап Алматыдан Нұр-Сұлтан, Тараз, Орал мен Қарағанды шаһарларына орындалатын рейстерге қоса жаңа Алматы-Павлодар-Алматы және Алматы-Шымкент-Алматы бағыттары бойынша да қатынай бастады.
Әуекомпания сайтында 26 қазанға дейін ұшуды жоспарлаған жолаушылар үшін билет сатылымы ашық.
