"Оның ішінде 25 мың шақырымы республикалық, 71 мың шақырымы облыстық және аудандық маңызы бар жолдар", – деді Қайырбек Өскенбаев.
Министр Мемлекет басшысының тапсырмасына сәйкес 2025 жылы республикалық жолдардың сапасын 100%-ға жеткізу міндеті қойылғанын атап өтті.
"Көліктік-транзиттік әлеуетті дамыту транзиттік дәліздер арқылы қамтамасыз етіледі. 8 автокөлік транзиттік дәлізінің жалпы ұзындығы 13 мың шақырымды құрайды", – деді министр.
Бірінші дәліз – "Батыс Еуропа – Батыс Қытай", ұзындығы 2 747 шақырым.
Екінші дәліз – "Алматы – Қарағанды – Нұр-Сұлтан – Петропавл – Ресей Федерациясының шекарасына дейін", ұзындығы 1 868 шақырым.
Үшінші дәліз – "Нұр-Сұлтан – Қостанай – РФ шекарасына дейін", ұзындығы 860 шақырым.
Төртінші дәліз – "ҚХР шекарасынан – Майқапшағай – Қалбатау – Семей – Павлодар – Ресей Федерациясының Омбыға дейінгі шекарасы", ұзындығы 1 116 шақырым.
Бесінші дәліз – "Алматы – Талдықорған – Өскемен – Шемонаиха – РФ шекарасына дейін.
Алтыншы дәліз – "Ақтөбе – Қандыағаш – Мақат – Атырау – РФ Астраханьға дейін", ұзындығы 893 шақырым.
Жетінші дәліз – "Атырау – Орал – Саратов", ұзындығы 587 шақырым.
Сегізінші дәліз – ТРАСЕКА ("Еуропа – Кавказ – Азия" дәлізі).
