/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 406,30 Brent 36,55
Еліміздегі банктердің активтерінің сапасына бағалау жүргізіледі

Еліміздегі банктердің активтерінің сапасына бағалау жүргізіледі

 Бағалау бірнеше айға созылады.

25 Сәуір 2019 11:59 623

Еліміздегі банктердің активтерінің сапасына бағалау жүргізіледі

Еліміздегі банктердің активтерінің сапасына бағалау жүргізіп, «7-20-25» бағдарламасын жүзеге асыру жұмыстарын жалғастыру қажет. Президент Қасым-Жомарт Тоқаев Ұлттық банк төрағасы Ерболат Досаевқа осындай тапсырма жүктеді.

Айта кетейік, Ұлттық банк қаржы институттарының активтерінің сапасын тексеруді 2015 жылы жоспарлаған. Алайда содан бері бірнеше рет кейінге қалдырылған. Өткен айда ғана қаржы реттеушісі дайындық жұмыстарына кірісетінін хабарлаған. Бағалау бірнеше айға созылады.

Сондай-ақ, Ұлттық банк төрағасы президентке жүктелген тапсырмалардың орындалу барысын баяндады.

«Ұлттық банктің жақында шығарған шешімінің қорытындысы бойынша базалық мөлшерлеме 9% төмендеді. Бұл тартылған қаржының құнын төмендету үшін қосымша мүмкіндік береді және келешекте кәсіпкерлік, әсіресе, шағын бизнес үшін несие мөлшерлемесіне ықпал етеді деп санаймыз. Сіздің Маңғыстау облысына жұмыс сапарыңыздың барысында  берген тапсырмаңызды орындау аясында біз үкіметпен бірлесіп, алғашқы қадамдарды жасадық»,­ – ҚР Ұлттық банк төрағасы Ерболат Досаев.

Ұлттық банк Нұр-Сұлтанға көшуі мүмкін

Әзірге нақты қай ғимаратқа көшірілетіні белгісіз.

22 Мамыр 2019 12:57 363

Ұлттық банк Нұр-Сұлтанға көшуі мүмкін

Алдағы уақытта Ұлттық банкті Алматыдан елордаға көшіру жоспарланып отыр. Бұл туралы Ұлттық банк төрағасы Ерболат Досаев мәжілістің жалпы отырысында мәлімдеді. 

«Ұлттық банктің өз кеңсесі болу керек, бірақ бұл біраз уақытты алады, сондықтан әлі қалай көшетінімізді талқылап жатырмыз»,– деп жауап берді ол журналистердің сұрағына.

Ерболат Досаев қаржы реттеушісінің ЭКСПО аумағындағы ғимараттарға орналаспайтынын айтты. Себебі ол АХҚО-ға берілген, ал банк жеке, бөлек аумаққа орналасуды көздеп отыр.

Ұлттық банктің жанынан жаңа агенттік құрылып, оның жұмысын қайта ұйымдастыру көзделіп отыр. Яғни, Ұлттық банктің бірқатар функциясы мен өкілеттіктері жаңа агенттікке ауысады. Досаевтың айтуынша, штаттағы шамамен 500 адам осы агенттікке ауыстырылады. Сондай-ақ ол агенттіктің Алматы қаласында жұмыс жүргізетінін тілге тиек етті.

Ал мәжіліс спикері Нұрлан Нығматулин болашақта бас банкті Нұр-Сұлтан қаласына көшіру жоспарда бар ма деген сұрақ қойды. Бұл сұраққа Ұлттық банк төрағасы «Ондай жоспарымыз бар» деп жауап берді.

ШОБ жобаларын несиелеуге кемінде 100 миллиард теңге жұмсалады – Ұлттық банк

Сондай-ақ, бас банк отандық автокөлік сатып алушыларын 5 жыл бойы кредиттеу бағдарламасын іске асыруға 100 млрд теңгеге дейін жұмсайды. Биыл 20 млрд теңге бөлінеді.

04 Сәуір 2019 13:59 302

ШОБ жобаларын несиелеуге кемінде 100 миллиард теңге жұмсалады – Ұлттық банк

Қазақстан Ұлттық банкінің басшысы агроөнеркәсіп кешеніне 200 млрд теңге, ал өңдеуші өнеркәсіпке 400 млрд теңгеге дейін бөлінетіндігін айтты, деп хабарлайды inbusiness.kz.

«ШОБ іске асыратын жобаларды кредиттеуге кемінде 100 млрд теңге жұмсалатын болады. Сондай-ақ Қазақстан Ұлттық банкі отандық автокөлік сатып алушыларын 5 жыл бойы кредиттеу бағдарламасын іске асыруға 100 млрд теңгеге дейін жұмсайды. Осы жылы 20 млрд теңге бөлінетін болады», – деді Ерболат Досаев Сенат отырысында.