KMF микроқаржы ұйымы тамыз айында клиенттерге банк қызметтерін ұсынуға дайындалуға кірісті, деп жазады inbusiness.kz сайты.
KMF 2025 жылғы 30 шілде сағат 15:00-ден 3 тамызға дейін техникалық себептерге байланысты барлық операцияларды уақытша тоқтатты.
Тоқтатылған операцияларға мыналар жатады:
- микронесиелерді өтеу: бөлімшелерде, терминалдарда (KMF және серіктестердің), мобильді қосымшада және серіктес ұйымдарда;
- микронесиелерді беру: бөлімшелер мен мобильді қосымша арқылы;
- қайта құрылымдау, анықтамалар мен құжаттарды рәсімдеу.
- Ұйым хабарлауынша, осы кезеңге сәйкес келетін төлемдер 2025 жылғы 4-8 тамыз аралығында сағат 18:00-ге дейін KMF кассаларында және терминалдарында қосымша комиссияларсыз, өсімпұлдарсыз және айыппұлдарсыз қабылданады.
"Бұл өзгерістер сіздер үшін жасалып отыр – жақын арада біз сіздерге жаңа банк қызметтерін ұсына алатындай боламыз. Банктің ашылуы туралы қосымша хабарлаймыз", – делінген ресми хабарламада.
Айта кетейік, KMF 2025 жылдың наурыз айында банкке айналуға Қаржы нарығын реттеу және дамыту агенттігінен ресми рұқсат алған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
