"Сбербанк" АҚ ЕБ басқармасына жаңа төраға тағайындалды. Бұз қызметке банк басшысының бірінші орынбасары Елдар Теңізбаев келді, деп хабарлады қаржы институтының баспасөз қызметі.
"Сбербанктің" Қазақстандағы еншілес банкі – "Сбербанк" АҚ-ның директорлар кеңесі жүзбе-жүз отырыста банктің басқарма төрағасы етіп Елдар Теңізбаевті тағайындады. Қазіргі уақытта Елдар Теңізбаев басқарма төрағасының бірінші орынбасары қызметін атқаруда және жаңа міндетіне 2020 жылдың 6 қаңтарынан бастап кіріседі",– делінген таратылған ақпаратта.
Жаңа басшы банкті соңғы 7 жылда басқарып келген Александр Камаловты ауыстырады.
30-дан енді асқан Елдар Теңізбаев әр жылдары "Қазақстанның даму банкінде", "БРК-Лизинг" АҚ-да, "Қазтеміртранс"АҚ-да жұмыс істеген. "Сбербанк" құрылымында 2012 жылдан бастап еңбек етуде.
Елдар Теңізбаев Республикалық физика-математикалық мектебін, сондай-ақ Қазақстан менеджмент, экономика және болжау институтын, Cass Business School, City University London бітірді. Қаржы және халықаралық бухгалтерлік есеп саласында MBA және MSc дәрежесі бар, "Болашақ" бағдарламасының стипендиаты.
