/img/tv1.svg
RU KZ
Еліміздегі туристік компаниялар банкрот болуы мүмкін

Еліміздегі туристік компаниялар банкрот болуы мүмкін

Биыл осы саладан пайда тауып отырған мекемелердің табысы 40 пайызға дейін азайды.  

16 Қазан 2020 22:58 359

Еліміздегі туристік компаниялар банкрот болуы мүмкін

Еліміздегі туристік компаниялар банкрот болуы мүмкін, деп хабарлайды Atameken Business.

Ірі  курорттық орындардағы демалыс нысандарының көбісі бос тұрды. Бұрын Алкөлдің  тек шығыс жағына 700 мыңға жуық турист демалса, биыл жазда 20 мың ғана адам келген. Сондықтан осы саланың сарапшылары елдегі туристік саладағы кәсіпкерлерге өз істерін әртараптандыруды ұсынып отыр.

Ақтөбе бейметалл құбырлар зауыты екінші рет сатылымға шығарылады

Құрылтайшыға тиесілі құны 1,4 млрд теңгені құрайтын мүлікке «Оңалту және банкроттық туралы» заңына сәйкес бағалау жүргізілген. 

26 Сәуір 2019 16:45 611

Ақтөбе бейметалл құбырлар зауыты банкрот болып, сатылымға шығарылды, деп хабарлайды аktobenews.kz. 

Ақтөбе бейметалл құбырлар зауыты нарыққа бейімделе алмай, шығарған өнімі өтпей, банкрот болды.

«Біз зауыт басшылығымен тұрақты байланыстамыз. Ең бастысы, мүлік жалақы берешегін жабу үшін жеткілікті. Біздің негізгі міндетіміз – банкроттық процедурасының әрбір кезеңін мониторингілеу және осы жұмысты үйлестіру. Бірінші кезекте, мүлікті сатқаннан кейін кәсіпорынның еңбекақысы төленеді. Тіпті егер мүлік төмендетілген болса да, біз жалақы бойынша қарызды жаба аламыз», – дейді Ақтөбе облысы әкімінің орынбасары Қайрат Бекенов.

Қазір зауыттың барлық мүлкі мен ғимараты да сатылымға шығарылды. Зауыт құны – 1 миллиард 400 миллион теңге.

«Зауыт банкрот деп танылып, сатылымға шығарылды. Сәуірде өтпеген соң зауыт құны 20 пайызға арзандап, мамыр айында қайта сатылады. Егер ол кезде өтпесе, заң аясында уақыт беріліп, бір айдан соң қайта сатуға шығарылады. Яғни, зауыт құны 50 пайызға арзандайды», – деді Ақтөбе облысы әкімінің орынбасары Қайрат Бекенов.

Жалақыны затпен беру жиілеген

Сенаторлар үкіметтен «Банкроттық және оңалту туралы» заңына өзгеріс енгізуді сұрайды.

28 Наурыз 2019 17:28 331

Бірқатар кәсіпорын өз жұмысшыларына еңбекақы төлей алмай, жалақыны затпен, тауармен және өніммен беруге көшкен, деп хабарлайды inbusiness.kz.

90 жылдары елді ен жайлаған әрі дағдарыстың көрінісі болып табылатын осы мәселенің қайта бас көтеруіне назар аудартып, дабыл қаққан сенаторлар үкімет басшысының орынбасары Гүлшара Әбдіқалықоваға жүгінді.

«Бүгінде әсіресе, ауыл шаруашылығы салаларында жұмыс істейтін жұмысшылар да, жалақыларын уақытылы немесе мүлде ала алмай, ал кейбір жағдайларда жалақының орнына ауыл шаруашылығы өнімдерін алуы фактілері кездесуде. Мысалы, оның орнына бидай, шөп, көкөніс және тағы басқасын береді. Ал мұның салдары жұмысшы күшінің жетіспеушілігін туғызып, маман кадрлардың тұрақтамауына әкеліп соқтыруда», – дейді сенат депутаты Рысқали Әбдікеров.

Сенаторлар статитикалық мәліметтерге жүгіне отырып, Қазақстанда еңбек дауларына қатысты сот істері де өсіп жатқанына нұсқады. Мәселен, 2017 жылы соттарда еңбекке ақы төлеу талаптарын бұзылуына қатысты 1 мың 783 әкімшілік іс қаралса, ал 2018 жылы бұл көрсеткіш 1 мың 939 іске жеткен. Яғни мұндай істер 1 жылдың ішінде 8,7 пайызға артқан.

Сондай-ақ, еңбек және халықты әлеуметтік қорғау министрлігінің мәліметіне сәйкес, 2019 жылдың 1 қаңтардағы жағдай бойынша елде жалақы берешегі 139 кәсіпорында, 6 мың 200 жұмыскердің алдында 1 миллиард 940 млн теңгені құрап отыр.

Оның ішінде жұмысшыларына 1,5 млрд теңге берешегі бар 105 кәсіпорын немесе төлемей отырғандардың жалпы санның 77 пайызы банкротқа ұшыраған.

Сондықтан сенаторлар үкіметтен бірінші кезекте жұмысшылардың жалақысын беру мақсатында, содан соң басқа да міндетті төлемдерді өтелуін қамтамасыз ету бойынша «Банкроттық және оңалту туралы» заңына өзгеріс енгізуді сұрайды.