Еліміз бойынша экономиканың әртүрлі салаларында 9 млн адам жұмыспен қамтылған.
Олардың ішінде 6,9 млн-ы жалдамалы қызметкер болса, 2,1 млн адам – өзін-өзі жұмыспен қамтығандар.
“15 және одан жоғары жастағы халыққа шаққандағы жұмыспен қамтылғандар үлесі 65,3% құрады”, - делінген хабарламада.
Халықтың ең көп үлесі сауда (16,7%), білім беру (12,7%), өнеркәсіп (12,5%) және ауыл шаруашылығы (12,4%) салаларында жұмыс істейді.
“2022 жылы елімізде 458,3 мың жұмыссыз адам болды. 15 пен 28 жастағылар арасындағы жұмыссыздық деңгейі 3,8% құрады. NEET жастарының жұмыссыздық үлесі – 6,5%. Еңбек және халықты әлеуметтік қорғау министрлігінің жұмыспен қамту органдарында 2022 жылғы желтоқсан айының соңына 132,3 мың жұмыссыз ресми тіркелген”, - деп хабарлады Ұлттық статистика бюросы.
Ақпаратқа сәйкес, тіркелген жұмыссыздардың үлесі жұмыс күшінің 1,4%-ын құрады.
