Шектеу шарасы 2 тамыздан бастап қолға алынады.
"Республика бойынша тәуліктік ауру жұқтыру көрсеткішінің 65%-ы Нұр-Сұлтан, Алматы, Шымкент, Атырау және Қарағанды қалаларына тиесілі. Осыған байланысты кеше ведомствоаралық комиссия аталған өңірлерде қосымша шектеу шараларын бекітті. Шектеу шарасы 2 тамыздан бастап күшіне енеді", – деді Алексей Цой.
Министрдің нақтылауынша, меншік иесіне қарамастан, орталық мемлекеттік органдар мен әкімдіктерден, құқық қорғау органдары мен денсаулық сақтау нысандарынан, БАҚ ұйымдары мен азық-түлік дүкендерінен, дәріханалар мен өмірді қамтамасыз ететін ұйымдардан басқа Ashyq жобасына қатыспайтын барлық кәсіпорындар мен ұйымдардың жұмысы тоқтатылады. "Карантинге байланысты ойын-сауық, спорт және өзге де бұқаралық шараларды, отбасылық жиын-той мен еске алу жиындарын өткізуге тыйым салынады", – деді Алексей Цой.
Қанат Махамбет
