Қазақстанның басым бөлігінде ауа температурасы нөлден төмендеп, қар жауады деп күтілуде, деп хабарлайды 24kz.
Синоптиктер еліміздегі 9-11 қазанға арналған ауа райы болжамын ұсынады.
"Батыс тропосфералық ағымдар ақырындап солтүстік-батыс және батыс жаққа қарай ауысады. Сондықтан алдағы үш тәулікте арктикалық фронттардың әсерінен республика облыстарының басым бөлігінде жаңбыр жауып, ол қарға ұласып, ауа температурасы 0°С-ден төмендейді", - делінген хабарламада.
Қазақстанның оңтүстігі мен оңтүстік-шығысында күн суытып үлгерді. Қазір онда жаңбыр жаууы мүмкін. Алайда жаңбырдың қарға ұласуы тек таулы аудандарда күтіледі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
