"2023 жылғы 1 ақпандағы қар өлшеуіш маршруттарының деректері бойынша елдің таулы бөлігінде қар қоры бойынша жағдай былайша қалыптасты. Орташа көпжылдық мәндерден жоғары: Бұқтырма және Шүлбі су қоймаларының аймақтарында, сондай-ақ Ертіс өзенінің сол жағалауындағы салаларында және ШҚО мен Абай облыстарындағы Тарбағатай жотасының оңтүстік-батыс беткейлерінде 33-80%; Жетісу облысындағы Жетісу Алатауы өзендерінің бассейндерінде 39%; Түркістан және Жамбыл облыстарындағы Қаратау жотасының оңтүстік-батыс және солтүстік-шығыс беткейлерінің бассейндеріндегі өзен бассейндерінде 13-29%", – деп хабарлады ТЖМ.
Іле Алатауының солтүстік және оңтүстік беткейлері өзендерінің бассейндерінде, сондай-ақ Алматы облысындағы Кетмен жотасының солтүстік беткейінде орташа көпжылдық мәндер шегінде.
Түркістан және Жамбыл облыстарының тауларындағы орташа көпжылдық мәндерден төмен.
"2022 жылғы 1 қараша мен 2023 жылғы 20 ақпан аралығында таулы және тау бөктеріндегі өзендер бассейндерінде орналасқан метеостанциялардың мәліметтері бойынша нормадан асатын көп мөлшерлі жауын-шашын түсті", – деп жазылған Сенат отырысында ұсынылған деректерде.
