Елімізде бес облысы аумағында ауа райының қолайсыздығына байланысты ескерту жарияланды, деп хабарлайды "Қазгидромет" РМК.
5 қазан күні Қызылорда облысында таңертең және күндіз солтүстік-батыстан, солтүстіктен жел соғады. Желдің екпіні кей жерлерде 15-20 м/с болады деп күтіледі.
Жамбыл облысында 5-7 қазан аралығында кей жерлерде тұман күтіледі. Кей жерлерде солтүстік-батыстан соғатын жел солтүстік-шығысқа ауысады, күші 15-20 м/с болуы мүмкін. Түнде және таңертең кей жерлерде 3 градус үсік сақталады.
7 қазанда Тараз қаласында түнде және таңертең 1-3 градус үсік күтіледі.
Ақмола облысында кей жерлерде тұман күтіледі. Оңтүстік-батыстан соғатын жел солтүстік-батысқа ауысады, күндіз кей жерлерде күші 15-20 м/с күтіледі.
Петропавл қаласында солтүстіктен жел соғады, екпіні 15-20 м/с болады деп күтіледі.
Шығыс-Қазақстан облысында жауын-шашын, кей жерлерде қатты жауын-шашын (жаңбыр, қар) жауады. Кей жерлерде тұман, көктайғақ, жаяу бұрқасын күтіледі. Оңтүстік-батыстан соғатын жел солтүстік-батысқа ауысады, күші кей жерлерде 15-20, екпіні 23-28 м/с болуы ықтимал.
Дауылды ескертудің ықтималдылығы 90-95 %.
