Қазақстанның 20-ға тарта ірі кәсіпорыны Тбилисиде өз өнімдерін көрсетті, деп хабарлайды 24.kz.
Отандық кәсіпкерлер грузин нарығын игеру арқылы екі ел арасындағы сауда айналымын арттыруды көздейді. Іс-шара Қазақстанның Грузиядағы елшілігінің қолдауымен ұйымдастырылған.
Машина жасау, химия, азық-түлік және металлургия саласының мамандары Грузияның көтерме сауда-саттық компанияларымен болашақта өзара байланыс орнату жөнінде келіссөздер жүргізді.
Грузия астанасында мұндай іс-шаралар жиі өтіп тұрады. Бұл жолы іскер топ өкілдері бесінші мәрте бас қосты. Жиын соңында қазақ-грузин кәсіпорындары жалпы құны 10 миллион доллар болатын бірнеше келісім-шартқа қол қойды.
"Қазақ-инвест" компаниясы биыл Грузиядан бөлек Ресей, Қытай, Өзбекстан және Моңғолияға отандық тауар өндірушілердің өнімдерін шығаруды жоспарлап отыр.
