Министрдің мәлімдеуінше, өңірлердің даму жоспары ерекше назарға алынады. Стратегиялық инвесторлармен бірлесіп, ел аумағында 2 400 мегаваттық жаңартылатын қуат көзі іске қосылады.
"Еліміздің ластанған 10 қаласын орта мерзімді кезеңде газға немесе баламалы қуат көзіне көшіру жоспарланып отыр. Өңірлерді дамытудың ұлттық жобасы аясында 5 жыл ішінде барлық қалалар мен ауылдар таза ауыз сумен қамтамасыз етіледі. Су ресурстарын ұқыпты пайдалану мақсатында 120 арна реконструкцияланады және 9 жаңа су қоймасы салынады", – деді Әсет Ерғалиев.
Оның сөзінше, бюджет үдерісін жеңілдету, бюрократияны барынша азайту және цифрлық тәсілдерді қолдануды кеңейту бойынша заңнамаға түзету енгізіледі. Абаттандыру және тұрғын-үй коммуналдық шаруашылығының бюджетіндегі халықтың қатысу үлесі ұлғайтылады.
Қанат Махамбет
