Еліміздің параволейболшылары Азия чемпионатының финалына шығып, паралимпиаданың жолдамасын жеңіп алды, деп хабарлайды inbusiness.kz тілшісі.
Астанада параволейболдан Азия чемпионаты өтіп жатыр. Елімізде алғаш рет өткізіліп отырған құрлық додасына 8 ел – Қазақстан, Жапония, Таиланд, Иран, Ирак, Оңтүстік Корея, Моңғолия және Үндістаннан 200-ден астам спортшы қатысуда.
Бүгін елордадағы "Жекпе-жек" спорт кешенінде ерлер арасында жартылай финал ойыны өтті. Онда Қазақстан мен Қытай командасы кездесті. Шешуші кезеңде 15:12 есебімен еліміздің параволейболшылары жеңді. Нәтижесінде финалдық сайыста ойнау мүмкіндігін иеленді. Сондай-ақ, Парижде өтетін паралимпиада ойындарының жолдамасын ұтып алды.
Енді 8 шілдеде Қазақстан мен Иран командалары арасында финалдық ойын өтеді.
