Жылдық өсім – 17,6%, деп жазады inbusiness.kz finprom.kz порталына сілтеме жасап.
Тауар айналымының басым бөлігі импорттан тұрды. Атап айтқанда, жыл басынан бері Ресейден елімізге 1,1 млрд долларға тауар әкелінді. Бұл былтырғыға қарағанда 0,5%-ға аз. Есесіне Қазақстаннан Ресейге экспорт көлемі 52,5%-ға артып, 869,6 млн долларды құрап отыр.
Республикамыздың тауар айналымы құрылымындағы Ресей үлесі – 19,2%, импортта – 26,5%, экспортта – 14,3%.
Көрші елден Қазақстанға келетін импорттық тауарлар ішінде металдар мен олардан жасалған бұйымдар көш бастап тұр (251,1 млн доллар). Одан кейінгі орындарда АӨК өнімдері және азық-түлік тауарлары (213,5 млн доллар), машиналар, аппараттар мен жабдықтар (203,1 млн доллар) тұр.
Елімізден Ресейге көбінесе химия өнеркәсібінің өнімдері жеткізілді (320,3 доллар). Сондақ-ақ машиналар мен жабдықтар (209,5 млн доллар), металдар мен олардан жасалған бұйымдар (147,4 млн доллар) да экспортталды.
2022 жылғы 1 қазанда Қазақстан резиденттерінің ресейлік инвесторлар алдындағы міндеттемелері бір жылда 34,2%-ға ұлғайды.
Инвестицияның басым бөлігі өңдеу өнеркәсібіне тиесілі: 6,6 млрд доллар.
Бұдан басқа инвестициялардың айтарлықтай көлемі сауда және автожөндеу саласына құйылды. Үздік бестікке тау-кен өнеркәсібі, көлік және қоймалау салалары да кірген.
Өткен жылғы 12 айда Ресейден елімізге тартылған тікелей инвестиция көлемі 1,5 млрд доллар болды. Бұл бір жыл бұрынғыға қарағанда 19,7%-ға аз.
