27 мамырда еліміздің бірқатар өңірінде найзағай ойнап, қатты жел тұрады, деп хабарлайды inbusiness.kz тілшісі "Қазгидромет" РМК-ға сілтеме жасап.
27 мамырда түнде және таңертең Ақмола облысының оңтүстік-шығысында тұман түседі.
Қостанай облысының басым бөлігінде жоғары өрт қаупі бар.
"27 мамырда күндіз Атырау облысының солтүстігінде, шығысында, оңтүстігінде шаңды дауыл тұрады. Оңтүстік-шығыстан жел соғады, күндіз облыстың солтүстігінде, шығысында, оңтүстігінде екпіні 15-20 м/с-ке жетеді. Күндіз облыстың басым бөлігінде 35 градус қатты ыстық болады. Облыстың басым бөлігінде төтенше өрт қаупі бар. Атырау қаласында 27 мамырда күндіз оңтүстік-шығыстан жел соғады, екпіні 15-18 м/с", - делінген хабарламада.
Павлодар облысының оңтүстік-шығысында солтүстік-шығыстан жел соғады, екпіні 15-20 м/с. Облыстың шығысында, орталығында төтенше өрт қаупі бар.
Ал, Қарағанды облысының оңтүстік-шығысында найзағай ойнайды. Облыстың шығысында төтенше өрт қаупі бар.
Қызылорда облысының орталығында, шығысында төтенше өрт қаупі бар.
Батыс Қазақстан облысының батысында, оңтүстігінде найзағай ойнайды. Жел екпіні 15-20 м/с-қа жетеді.
