Қазақстанға заңсыз ірі көлемде электронды темекі өткізбек болғандар ұсталды, деп хабарлайды inbusiness.kz тілшісі ҚР Ұлттық қауіпсіздік комитетінің баспасөз қызметіне сілтеме жасап.
ҰҚК Шекара қызметі Мемлекеттік кірістер департаментінің қызметкерлерімен бірге "Достық" автокөліктік өткізу пунктінде шекаралық бақылау барысында жүк көліктеріне тиелген ілеспе құжаттары жоқ ірі көлемдегі электрондық темекіні кіргізуге әрекеттенген үш Қазақстан азаматын ұстады.
Тәркіленген тауардың құны алдын ала есеп бойынша 2,4 млрд теңгені құрайды.
"Тексеру жүргізу үшін Қаржы министірлігі Мемлекеттік кірістер департаментінің аумақтық бөлімшесіне жолданды",-делінген ҚР ҰҚК баспасөз қызметі таратқан хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
