/img/tv1.svg
RU KZ
FTSE 100 5 671,96 РТС 1 014,44
Hang Seng 23 497,47 KASE 2 224,17
DOW J 22 030,89 Алтын 1 597,60
Елорда әкімдігінде қалалық санақты дайындау және өткізу мәселелері талқыланды

Елорда әкімдігінде қалалық санақты дайындау және өткізу мәселелері талқыланды

Санақтың мақсаты  – соңғы 10 жылда болған демографиялық, экономикалық және әлеуметтік процестер туралы ақпарат жинау. 

16 Ақпан 2020 11:00 219

Елорда әкімдігінде қалалық санақты дайындау және өткізу мәселелері талқыланды

Ұлттық халық санағы шартты екі кезеңнен тұрады, деп хабарлайды елорда әкімдігінің ресми сайты. Бірінші кезең - дайындық кезеңі. 2020 жылдың 1-30 маусымы аралығында арнайы оқытылған адамдар тұрғын үйлер мен тұрғын емес үй-жайлардың, құрылыстардың, сондай-ақ ондағы тұратын тұрғындардың нақты санын анықтау мақсатында әрбір елді мекенді аралап шығады. Тұрғын үйлердің, ғимараттардың және тұрғын емес үй-жайлардың меке-жайларын нақтылау бойынша атқарылған жұмыс нәтижелері елорда аумағын нұсқаушылық және есептік учаскелерге бөлу үшін негіз болады.

«Дайындық жұмыстарынан кейін 2020 жылдың 1-30 қазаны аралығында халық санағының негізгі кезеңі өтеді. Санақ ақпаратты жинаудың екі әдісін пайдалана отырып жүргізіледі: халық санағының алғашқы 15 күнінде Ұлттық экономика комитетінің интернет-ресурсында интернет-сауалнама жүргізіледі. Интернет-сауалнамада респонденттер санақ парақтарын өз бетінше толтырады. Интернет-сауалнамамен қатар интервьюерлер де сауалнама жүргізеді»,-деді Ұлттық экономика министрлігі Статистика комитетінің статистика департаментінің басшысы Жорабек Дәуренов.

Барлық респонденттерге интервьюерлер санақтан өткендігі туралы анықтамалар береді, ал онлайн-режимде санақтан өткендерге – СМС-хабарламалар жіберіледі. Қала әкімі Алтай Көлгінов әрбір аудан әкімі санақты жүргізуге белсенді қатысуы тиіс екендігін айтты, «әрбір басқарма өз саласы бойынша жұмыс істеуі тиіс», - деп атап өтті.

 «Соңғы 10 жылда қала халқы екі есе өсті. Санақтың мақсаты соңғы 10 жылда болған демографиялық, экономикалық және әлеуметтік процестер туралы ақпарат жинау. Халық санағын жүргізудің екі әдісі бар. Интернет сауалнама және арнайы оқытылған адамдардың сауалнамасы. Тұрғындар өздеріне ыңғайлысын таңдай алады», – деді елорда әкімі Алтай Көлгінов.

inbusiness.kz-ті қараңыз, оқыңыз :

Президент: Елорда иесі мен қараушысы жоқ мекен сияқты

Қашықтықтан көз салсаң әдемі, жақын үңіліп қарасаң, әбден тозған.  

08 Қазан 2019 21:29 812

Президент: Елорда иесі мен қараушысы жоқ мекен сияқты

Фото: akorda.kz

Бұл Нұр-Сұлтан жайындағы Қасым-Жомарт Тоқаевтың пікірі. Бас шаһардың дамуы туралы жиналыста әкім – Алтай Көлгінов пен өзге шенеуніктер қордаланған мәселердің себебін айтып ақталмақ болды. Алайда, әр саланы уысында ұстап отырған шенділердің ешқайсысы сын мен сөгістен құтылмады. Сонымен, Қасым-Жомарт Тоқаевқа не жақпай қалды?

100 пәтері сатылған салынбаған тұрғын үй кешеніне жаңа инвестор табылды

Елордада барлығы 51 (76 үй) проблемалық нысан бар. Жыл соңына дейін 10 тұрғын үй кешені пайдалануға беріледі.

30 Қыркүйек 2019 10:47 345

100 пәтері сатылған салынбаған тұрғын үй кешеніне жаңа инвестор табылды

Таңғы аралау кезінде елорда әкімі Алтай Көлгінов «Қорғалжын квартал» тұрғын үй кешенінде болды. Нысан 2017 жылы проблемалық деп танылды, бұрынғы құрылыс салушы жоғарғы техникалық және төменгі қабаттарды пәтер ретінде сатқан. Үй «Нұрлы Жер» бағдарламасы аясында «ЕКК» ЖШС қатысуымен салынады.

«Жоба бойынша пәтер саны – 276, ал сатылған пәтер саны – 372. Демек, 96 пәтерге көп. Қазір үйді техникалық тексеру, жобалық-сметалық құжаттаманы түзету жұмыстары жүргізілуде. Сондай-ақ, инженерлік желілер жобасын әзірлеумен айналысатын боламыз. Себебі үйге ешқандай құжат жоқ»,– деді жаңа инвестор.

Елорда әкімі үйді инженерлік желілерге қосқанға дейін барлық құжаттарды дайындап, ішкі жұмыстарға кірісу қажеттігін атап өтті. «Үй құрылысын аяқтау қажет, үлескерлер пәтер кілттерін алуға тиіс», – деді.

Қалада барлығы 51 (76 үй) проблемалық нысан бар. Құрылыс барысын Nur Otan және мәслихат депутаттары бақылайды. Жыл соңына дейін 10 тұрғын үй кешені пайдалануға беріледі.

Жаңалықтарға жазылу: