Бұл туралы Цифрлық даму, инновациялар және аэроғарыш өнеркәсібі министрі Бағдат Мусин айтты, деп жазады inbusiness.kz.
Министр сейсенбі таңертеңгі уақытта Kcell байланыс операторында техникалық іркіліс болғанын жеткізді.
"Kcell-де 10 минуттай ақау болды. Үкімет отырысының алдында "Қазақтелеком" АҚ басқарма төрағасы Қуанышбек Есекеевтен мән-жайды сұрадым. Өзім де шағымымды айттым. Үйден Үкіметке келе жатқан жолда Kcell іркіліп қалды. Есекеев 10-15 минуттай техникалық ақау болғанын айтты", - деді ол Үкімет кулуарында.
Бағдат Мусин ұялы байланыс операторы 4G және 3 G-ден 5G-ге көшу жұмыстарын жүзеге асырып жатқанын айтты.
"Мұндай уақытта техникалық ақаулар болып тұрады. Speedtest халықаралық рейтингі Астананың 35 сатыға жоғарылағанын, яғни 35 қаланы басып озғанын көрсетіп отыр. Біз қазір Токионы да басып оздық", - деп түйіндеді ведомство басшысы.
