/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 440,47 Brent 36,55
Елорда күніне арналған отшашуды онлайн тамашалауға болады

Елорда күніне арналған отшашуды онлайн тамашалауға болады

Бүгін Нұр-Сұлтанда мерекелік отшашу болады.

06 Шілде 2020 17:26 257

Елорда күніне арналған отшашуды онлайн тамашалауға болады

Тікелей эфир сағат 23:00-де «Хабар24» телеарнасында көрсетіледі, деп хабарлады әкімдіктің ресми сайты.

Отшашу Есіл өзенінің (Орталық саябақ) жағалауында, Ботаникалық бақ (Қабанбай батыр даңғылы жағынан) және Пушкин – Абылайхан көшелерінің қиылысында басталады.

Отшашуға бюджеттен қаржы бөлінбеген – шара демеуші қаражаты есебінен ұйымдастырылады.

Тұрғындар санитария нормаларын қатаң сақтауы керек: маска тағып, әлеуметтік қашықтық сақтауға және антисептик қолдануға тиіс.

Владимир Путин Нұрсұлтан Назарбаевты 80 жылдық мерейтойымен құттықтады

Елбасы В.Путинге жылы лебіздері үшін алғысын білдіріп, Қазақстан-Ресей стратегиялық серіктестігі мен одақтастық қатынастарды нығайтуды жалғастырудың маңыздылығын атап өтті.  

06 Шілде 2020 16:34 252

Владимир Путин Нұрсұлтан Назарбаевты 80 жылдық мерейтойымен құттықтады

Әңгімелесу барысында Владимир Путин Елбасын 80 жылдық мерейтойымен құттықтап, мықты денсаулық, қажымас қайрат және достас Қазақстан халқының игілігі үшін жаңа табыстар тіледі, деп хабарлады Елбасының ресми сайты.

Ресей Президенті Нұрсұлтан Назарбаевтың саяси көрегендігі мен мол тәжірибесі Қазақстан мен Ресей арасындағы ынтымақтастықты одан әрі тереңдетуге және кеңейтуге, сондай-ақ Еуразиялық экономикалық одақ аясындағы интеграциялық процестерді күшейтетуге септігін тигізетініне сенім білдірді.

Елбасы В.Путинге жылы лебіздері үшін алғысын білдіріп, Қазақстан-Ресей стратегиялық серіктестігі мен одақтастық қатынастарды нығайтуды жалғастырудың маңыздылығын атап өтті.

Телефон арқылы сөйлесуге Ресей тарапы бастамашы болды.


 

Нұр-Сұлтанда Қазақстан ҰОК Бас Ассамблеясының отырысы өтіп жатыр

Жиынға Ассамблея мүшелері, олимпиадалық спорт түрлері бойынша ұлттық спорттық федерациялардың президенттері қатысып жатыр. Күн тәртібіндегі басты мәселе – Қазақстан Ұлттық Олимпиадалық комитетінің президентін сайлау. 

18 Қыркүйек 2019 16:09 539

Нұр-Сұлтанда Қазақстан ҰОК Бас Ассамблеясының отырысы өтіп жатыр

Фото: olympic.kz

Бүгін Нұр-Сұлтанда Қазақстан Ұлттық Олимпиадалық комитеті Бас Ассамблеясының отырысы басталды, деп хабарлайды Olympic.kz. 

Отырысты Қазақстан Республикасының премьер-министрі Асқар Мамин бастады. 

«Мен басты назарды өскелең ұрпаққа аудару керектігін айтқым келеді. Олардың арасында талантты спортшылар өте көп. Біздің мақсатымыз – оларды тауып, оқытып, әлемдік жарыстарда жүлде алатын дәрежеге жеткізу. Әрбір федерация үшін бұл басты міндет саналады. Сонымен қатар, біз қазақстандық спортшылардың Токио Олимпиадасында сәтті өнер көрсетуіне күш салуымыз қажет. Оған біздің әлеуетіміз жетеді. Құрметті, жиынға қатысушылар. Қазақстан Үкіметі мен ҰОК-тің бірлескен жұмысы арқасында елімізде ірі жарыстар өткізілді. Бұл біздің елде әлемдік турнирлерді абыроймен атқаратынымыздың дәлелі. Келесі жылы еліміздегі спортты дамытуға республикалық бюджеттен 54 миллиард теңге бөлінді. Еліміздегі спорттық инфрақұрылымды дамытамыз. Сөз соңында ҰОК басшысын сайлау өте маңызды оқиға екенін айтқым келеді. Өйткені, еліміздегі спорттың әрі қарайғы дамуы туралы сөз болып отыр. Біздің дұрыс таңдау жасайтынымызға сенемін», – деді Асқар Ұзақбайұлы.